...जागरूप, सिर्जनशील , विकाश र परिवर्तन चाहने युवाहरुको जमघट :-

"कोहबरा अनलाइन"
आउनुस तपाइँ पनि हामी सबै सँगै हिडौ, यो डिजिटल दुनियामा ...
राष्ट्र संमृद्धि बनाउनको लागी स्थानीय तह देखिनै प्रविधिको विकासमा लाग्नु जरुरि देखिन्छ ! कोहबरा अनलाइन परिवार ! सूचना, समाचार, साहित्य संगित संगै तपाइँ हाम्रै आफ्नै कुराहरु संगै हामी संग रहनु होस् ! E - Mail : kohabarayouth@gmail.com, Thanks to visit.

दैनिक १५ सय नेपाली कामदार बिदेसिन थाले,एकतिहाइ कामदार कतारतर्फ

Posted on
  • 22 August 2011
  • by
  • Kohabara Online
  • in
  • प्रसंग :-
  • काठमाडौं, ४ भदौ

    राजनीतिक अन्योललगायत विभिन्न कारणले रोजगारमूलक क्षेत्रमा लगानीको वातावरण बन्न नसक्दा कामको खोजीमा दैनिक १ हजार ५ सय नेपाली कामदार बिदेसिन थालेका छन् । वैदेशिक रोजगार विभागका अनुसार रोजगारीका लागि साउन महिनामा मात्र ४५ हजार १ सय ६५ नेपाली कामदार बिदेसिएका छन् । यो संख्या गत आर्थिक वर्षको यही अवधिभन्दा करिब ५२ प्रतिशत बढी हो । असार महिनामा ४४ हजार ७ सय १५ कामदार बिदेसिएका थिए ।

    कतारमा सन् २०२२ मा आयोजना हुने विश्वकप फुटबल प्रतियोगिताका लागि भौतिक पूर्वाधार निर्माण गर्न त्यहाँबाट बढी कामदार माग भएको छ । कुल बिदेसिने नेपाली कामदारमध्ये एकतिहाइभन्दा बढी कतार जाने गरेको तथ्यांकले देखाएको छ । साउन महिनामा १५ हजार ७ कामदार कतार गएका छन् । तीमध्ये १२ हजार ९० व्यक्तिगत भिसामा गएका छन् । ३ हजार ५ सय १७ जनामात्र म्यानपावर एजेन्सीका माध्यमबाट कतार गएको देखिन्छ । कतारका रोजगारदाता कम्पनीले सुपरभाइजर, फोरमेन र इन्जिनियरलगायत काममा कामदार माग गर्ने हुँदा त्यहाँ व्यक्तिगत भिसामा जाने संख्या बढ्दै गएको हो ।

    “कतारले सन् २०१८ को जुलाई महिनासम्म सबै रंगशाला निर्माण गर्नुपर्ने हुन्छ,” विभागका निर्देशक लालबाबु कवारीले भने, “त्यसकारण कतारमा ठूलो संख्यामा कामदारको माग छ ।” साउदी अरब, संयुक्त अरब इमिरेट्स (यूएई), कुवेत, ओमन, मलेसिया र बहराइनमा पनि कामदारको माग बढ्दो छ ।

    http://www.karobardaily.com

    संप्रेसक : ओम बोगटी


    1 प्रतिक्रियाहरु:

    Anonymous said...

    I did not like the word 'Nepali Kamadar' in this article. This mean representation of the our own brothers and sisters.

    Post a Comment