 |
| (गौरादह ९ बैगुन्धुरा निवासी भाइ निर्देश पोखरेल लगायत को टिम ले मेरो कारोबार एप को निर्माण गरेका छन।) |
साना तथा मध्यम आकारका पसल, व्यवसाय सञ्चालन गर्ने मानिसहरुका लागि बाँकी (उधाराे) को लेनदेन ठूलै चुनौती हो । दैनिक सयौं, हजारौं ग्राहकहरुसँग कारोबार गर्ने पसलेहरुका लागि कागजको ढड्डामा कारोबारको विवरण व्यवस्थापन गर्नु निकै झन्झटिलो काम हो ।
ढड्डा हराए वा मुसाले काटेमा हजारौंकाे हिसाब खेर जान्छन् । पुरानो हिसाब मेटाउन कोही आएमा हिसाब खोज्न नै धेरै समय लाग्छ ।
‘साना तथा मध्यम पसलहरुलाई लक्षित गरी बनाएको यो एपमा अब पसलेहरुले आफ्नो सबै कारोबार, बाँकी लगायतका हिसाब सुरक्षित र विश्वासिलो तरिकाले राख्न सक्छन् ।’
ठूला व्यवसाय तथा कम्पनीहरुले त कम्प्युटरमा ठूला ठूला महङ्गा महङ्गा सफ्टवेयरहरु राखेर प्रयोग गरिरहेका हुन्छन् । तर बाँकीको कारोबारले सबैभन्दा धेरै पीडित साना पसलमा हिसाब राख्ने व्यवस्थित प्रणाली नै हुँदैन । कसैले बाँकी तिर्न आयो भनेर पनि खोज्न घण्टौं लाग्छ । यही प्रक्रियालाई डिजिटाइज गर्न यो एप बनाईएको हो।
यसमा ग्राहकको नाम, फोन नम्बर, कारोबार विववरण तथा पैसा सबै कुरा राख्न मिल्छ । कसैले १० दिनमा पैसा दिन्छु भनेको छ भने त्यसको पनि रिमाइण्डर राख्न मिल्नेछ। यसले किराना तथा साना पसलको कारोकारलाई नै पेपरलेस बनाउन सक्ने अपेक्षा गर्न सकिन्छ ।
कारोबारको डेटा ब्याकअपमा रहने र कस्टमरसँगको पुरानोभन्दा पुरानो हिसाबलाई समेत ट्रयाक गर्न सकिने हुँदा यसले व्यवसायीको सिङ्गो टर्नओभरको हिसाबमा समेत विश्वासिलो आधार दिने छ ।
यस एपलाई नेपाली भाषामा चलाउन सकिन्छ । यो अफलाइन र अनलाइन दुवै मोडमा उपलब्ध छ । ‘अफलाइन डेटा लाेड गरेपछि अनलाइन जाँदा डेटा सिङ्क हुन्छ,’
‘प्रयोगकर्ताहरुले ३० दिनसम्म नि:शुल्क ट्रायल पाउन सक्छन् । नर्मल प्रयोगकर्ताहरुले पनि प्रयोग गर्न सक्छन् । तर ३० दिन पुरा भएपछि सब्सक्रिप्सनबेसमा लाइसेन्स किन्नुपर्छ ।’
अहिले यो एपमा ६ महिना र एक वर्षको प्याकेज छ । ६ महिनाको लागि बाह्र सय र एक वर्षका लागि दुई हजार रुपैयाँको प्याकेज छ।
