माया लायौ मन परायौ, मुटु देखी चायौ तिम्ले ।
ब्रत बस्यौ जल चढायौ, सारा मन्दिर धायौ तिम्ले। ।
साज- सज्जा पैरनमा झपक्क नै बल्यो रुप।
लाली लायौ- काली लायौ १६ शृंगार लायौ तिम्ले। ।
छरपस्ट प्रितहरु जोड-जाड एक भयो।
प्रेम देख्यौ-प्रेम सुन्यौ, प्रेमकै गीत गायौ तिम्ले । ।
आँखा भरी जिन्दगीका, उमंगलाई एक्लो देख्दा ।
प्रण गर्यौ कोशिश गर्यौ, लाख ठक्कर खायौ तिम्ले। ।
आफ्ना पिर आशु, चोट, दुख सबै बिर्सिएर।
के पाउन उसकै नाममा फेरी प्राण त्याग्यौ तिम्ले । ।
 |
| सर्जक : हिमाल ओझा |
सम्प्रेषक : विपिन ओझा !
